Ang Pananda ng Sabjek, Predikeyt at Pokus sa Isinay

Abstract

Ang papel na ito ay tungkol sa pananda o marker ng sabjek, predikeyt, at pokus sa wikang Isinay. Ang mga datang ginamit sa pag-aaral na ito ay mula sa dayalek ng Isinay na sinasalita ng Dupaks, Nuweba Biskaya. Layunin ng pag-aaral na ito na ipokus ang iba’t ibang paraan ng pagpapakita o pagpapakilala ng tatlong nasabing gramatikal na tungkulin sa wikang Isinay batay sa paggamit ng mga pananda. Ang mga gagamiting halimbawa sa papel na ito ay ang mga berba; na sentens na may sabjek at predikeyt.